ទូរស័ព្ទ​ចិន វាយលុក​ទីផ្សារ​កម្ពុជា​ដោយ​ស្ងៀមស្ងាត់​ « Cambodia News | Khmer News – ពត៌មានខ្មែរ.

(ដកស្រង់ចេញពី CEN ទាំងស្រុង) និស្សិត​សាកលវិទ្យាល័យ​ឯកទេស នៃ​កម្ពុជា CUS សាខា​ខេត្តកំពង់ចាម ចំនួន ៣០០ នាក់ បានទទួល​ចំណេះដឹង​បន្ថែម ស្តីពី “​ការ​ប្រឈម​របស់​និស្សិត និង ការរៀបចំ​ខ្លួន​ដើម្បី​ជោគជ័យ​” ក្រោម​បទ​បង្ហាញ​របស់លោក​បណ្ឌិត ឃី សុខ​ហេង នាយក​អង្គការ HEDC អន្តរជាតិ​។​

​ ​បទ​បង្ហាញ​ដែលមាន​រយៈពេល​មួយ​ព្រឹក កាលពី​ថ្ងៃទី​១០ ខែកក្កដា ឆ្នាំ​២០១១ រៀបចំឡើង​ដោយមាន​ការសហការ​គ្នា រវាង​សាកលវិទ្យាល័យ​ឯកទេស​កម្ពុជា CUS សាខា​កំពង់ចាម និង អង្គការ HEDC អន្តរជាតិ នៅ​សាលសន្និសីទ​សាលា​គរុកោសល្យ និង​វិ​ក្រិត​ការ ខេត្តកំពង់ចាម​។​
​
​លោក ឯក ច​ន្ធូ នាយក CUS សាខា​កំពង់ចាម​បាន​លើកឡើងថា គោលបំណង​នៃ​ការជួបជុំ​ក្នុ​សិក្ខាសាលា​នោះ គឺ​ជួយផ្តល់​ការយល់ដឹង​ជាទូទៅ​លើ​ជីវិត និង បង្ហាញ​ពី​យុទ្ធសាស្ត្រ​ក្នុងការ​ជ្រើសរើស​គុណភាព ដើម្បី​ជីវិត​ជោគជ័យ ព្រមទាំង​កសាង​ចរិតលក្ខណៈ​តាមរយៈ​ការសិក្សា​។ យើង​ត្រូវ​ដឹង​ពី​តម្លៃពិត​ប្រាកដ​របស់​យើង និង មនុស្ស​ទូទៅ ដើម្បី​អភិវឌ្ឍន៍ និង វិនិយោគ​លើ​ជីវិត​របស់​យើង​បានល្អ ត្រូវធ្វើ​អ្វីខ្លះ​?​។ មនុស្ស​ភាគច្រើន​រស់នៅ​ខ្វះ​កម្លាំង​ជំរុញ​នៃ​ជីវិត ដូចជា ក្តីសង្ឃឹម ការជឿជាក់​លើ​ខ្លួនឯង និង គោលដៅ​នៃ​ជីវិត​។ កក្តា​ទាំងនេះ វា​អាស្រ័យ​លើ​យើង​ជួប​ជាមួយ​អ្នក ដែលមាន​ចំណេះដឹង និង បទពិសោធ​ច្រើន​។​
​
​ការ​ប្រឈម​របស់​និស្សិត និង​ការ​រៀបចំខ្លួន​ដើម្បី​ជោគជ័យ ត្រូវបាន​បង្ហាញ ដោយ​លោក​បណ្ឌិត ឃីម សុខ​ហេង ដែល​បាន​ចំណាយពេល​ប្រមាណ​ជាង​មួយ​ម៉ោង សម្រាប់​ចែករំលែក​ចំណេះដឹង និង​បទពិសោធ ដល់​និស្សិត CUS កំពង់ចាម​ទាំងអស់ ឲ្យ​យល់​អំពី​តម្លៃ​នៃ​ការសិក្សា និង​ការ​រៀបចំខ្លួន​ដើម្បី​ជោគជ័យ​៕

រូបភាពយកពីសារព័ត៌មាន CEN

រូបភាពយកពីសារព័ត៌មាន CEN

តាម​ពិត​ទៅ​កំពង់​សោម ជា​ខេត្ត​ទេស​ចរណ៍​មួយ ដែល​ខ្ញុំ​បាន​ទៅ​ញឹក​ញាប់​ជាង​គេ​បំផុត ក្នុង​ចំណោម​ខេត្ត​ទេសចរណ៍​ដទៃ​ទៀត ។ វា​ជា​រឿង​គួរ​ឲ្យ​ធុញ​ទ្រាន់ ក្នុង​ការ​ធ្វើ​ដំណើរ​ដ៏វែង​ឆ្ងាយ (ពីកំពង់ចាម) តែ​ទៅ​លើក​នេះ​គឺ​ដោយ​សារ​កូន​ត្រែន ដើម្បី​​ឲ្យ​​វា​​បាន​​ស្គាល់​​រស់​ជាតិ​​ទឹក​​សមុទ្រ​ម្ដង​ក្នុង​ខណៈ​ដែល​វា​ទើប​តែ​បាន​ឃើញ​ពន្លឺ​ព្រះអាទិត្យ​បាន​ពីរ​ឆ្នាំ​ប៉ុណ្ណោះ ។

បន្ទប់សណ្ឋាគារ ថ្មទិព្វ

ថតជាមួយបុគ្គលិក មុខបន្ទប់សណ្ឋាគារ ថ្មទិព្វ

ឆ្នេរសមុទ្រ

ចូល​មក​ដល់​ខែ​មេសា​រៀង​រាល់​ឆ្នាំ ខ្ញុំ​ត្រូវមានបន្ទុកជាច្រើនបន្ថែមទៀត ដែលពាក់ព័ន្ធ នឹង​ការ​អប​អរ​សាទរ​បុណ្យ​ចូល​ឆ្នាំ​ថ្មី​ប្រពៃណី​ជាតិ​​ខ្មែរ ។
ការងារ​ដែល​បាន​កើត​ឡើង ក្នុងមួយរយៈនេះមានដូចតទៅ៖
១- ថ្ងៃទី ៣០ ខែមីនា បាននាំសិស្សចំនួន ១០០នាក់ ចុះទស្សនៈកិច្ចសិក្សា នៅសារមន្ទីរ ប្រល័យ ពូជសាសន៍ គុកទួលស្លែង ដើម្បីស្វែងយល់ពីរបបពិឃាត នៅក្នុងគុក ដែលក្រោមការដឹកនាំរបស់ កាំងហ្គិច អៀវ ហៅឌុច ដែលបានសម្លាប់មនុស្សយ៉ាងឃោឃៅ តាមវិធីសាស្ត្រផ្សេងៗ ដែលគួរឲ្យព្រឺព្រួច និងតក់ស្លុត ។ បន្ទាប់មកយើងបានទៅចូលរួម ស្ដាប់សវនាការកាត់ទោសឌុច នៅសាលាក្ដីខ្មែរក្រហម ។ ដែលកម្មវិធីនេះទាំងមូលគ្រប់ការចំណាយដូចជា រថយន្តក្រុងធំៗពីរ អាហារ​ថ្ងៃ​ត្រង់ និង​អាហារ​សម្រន់​ពេល​ល្ងាច គឺ​ជា​បន្ទុក​របស់​សាលា​ក្ដី​ខ្មែរ​ក្រហម ។ ខាង​ខ្ញុំឥតមានចេញអ្វីមួយរៀលទេ ចេញតែទឹកសុទ្ធផឹកខ្លួនឯងប៉ុណ្ណោះ ។

២- ថ្ងៃទី ០២ ខែមេសា រៀបចំទទួលបដិសណ្ឋារកិច្ច ក្រុមអធិការកិច្ចមកពីក្រសួង អប់រំយុវជន និងកីឡា នាយកដ្ឋានឧត្ដមសិក្សា ចុះត្រួតពិនិត្យការងារ និងភាពរីកចំរើន ៦ខែចុងក្រោយ របស់អង្គភាព ។

៣- ថ្ងៃទី ០៣ ខែមេសា រៀបចំសូត្រមន្ត លើករាសីប្រចាំឆ្នាំ លេងល្បែងប្រជាប្រីយមាន ស៊ីគូរ ទៀងលែន បីសន្លឹក…….អូ! មិនមែនទេ បោះឈូង ទាញព្រ័ត្រ លាក់កន្សែង ក៏មិនបានលែងដែរ (រៀប​ចំ​កម្ម​វិធី​មិន​ទាន់) តែ​បាន​លែង​ល្បែងញ៉ាំប៉ិគក់ និងឪឡឹក ផ្លុំបាល់ឆ្លងកាត់សាគរ វាយក្អមយកសំណាង បង្ហាញម៉ូតសំលៀកបំពាក់ ប្រឡងច្រៀង ចែកលិខិតសរសើរសិស្សពូកែប្រចាំឆ្នាំ ញ៉ាំអាហារ និងរាំកំសាន្ត…….. ។ដែលនៅក្នុងនោះមាន​ការ​ឧបត្ថម្ភ ពី​សប្បុរស​ជន​ជា​ច្រើន ដែល​ការ​ឧប្ថម្ភ​ទាំង​នេះ​មួយ ផ្នែក​ធំ​គឺ​ចំណាយ​ទៅ​លើ​ស្រាបៀ (មិន​គួរ​និយាយ​តែ​មិន​អាច​អត់​បាន​ក្នុង​រដូវ​កាល​នេះ) ។
សរុបមកក្នុងខែមេសាស្ទើរតែមួយខែនេះ គឺរវល់តែខាងសប្បាយរីករាយប៉ុណ្ណោះ ។ សូមជូនពរជនកម្ពុជាទាំងអស់ និងជនពិភពលោក ជួបតែសុខ សន្តិភាព កុំបីខានឡើយ ។ សូមទោសផងមិនបានរៀបចំរូបថតតាមលំដាប់លំដោយទេ

1

ផ្លែឈើរៀបអបអរសាទរចូលឆ្នាំថ្មី

2

ចែករង្វាន់ជ័យលាភីច្រៀងលេខ ១

3

រាំលេងអបអរសាទរចូលឆ្នាំថ្មី

4

គណៈកម្មការរៀបចំកម្មវិធី ហៅឧបាសិកាមក អង្គុយជិត

5

លើកកែវឡើង ដើម្បីអបអរសាទរចូលឆ្នាំថ្មី
6

ខាងខ្ញុំបានតែទឹកក្រូចទេ
7

ជូនលិខិតសរសើរ
8

ជូនលិខិតសរសើរ
9

ជូនលិខិតសរសើរ

មកដល់ត្រឹមរបត់ឆ្នាំ២០១១ រដ្ឋាភិបាលកម្ពុជា បានប្រឹងប្រែងច្រើនណាស់ ក្នុងការទប់ស្កាត់ភាពអសកម្មផ្សេងៗ ហើយដែលជាទូទៅគេមើលឃើញថាៈ ច្រេះកើតអំពីដែក ។ ជាការពិតណាស់ ដូងមួយធ្លាយមិនមែនល្អទាំងអស់នោះទេ ហើយក្នុងជូរដ្ឋាភិបាល ក៏តែងតែមានមន្ត្រីដូចជាច្រេះដែក ខាំបឺតជញ្ជក់ មិនចេះស្កប់ស្កល់ទាល់តែសោះ ។ បើទោះបីជាមួយរយៈកន្លងមកនេះ គេមានឃើញការបង្ក្រាប អំពើពុករលួយ ការកាប់បំផ្លាញព្រៃឈើ និងគ្រឿងញៀនជាដើម ។
ជាក់ស្ដែងនៅថ្ងៃទី ៧ ខែមីនានេះមន្ត្រីជាប់កិច្ចសន្យាថ្នាក់ត្រឹមមន្ទីរ របស់ខេត្ត បានទទួលប្រាក់ឆ្នាំ (ព្រោះមួយឆ្នាំបើកម្ដង) ដែលម្នាក់ៗទឹកមុខសប្បាយរីករាយ ព្រោះកំពុងរង់ចាំ ជិត៣ខែមកហើយ ដោយជារៀងរាល់ឆ្នាំ បើកនៅរាល់ថ្ងៃទី១ ដល់ថ្ងៃទី ១៥ ខែមករា យ៉ាងយូរ ។ ទឹកមុខរីករាយប្រែជាជ្រួញចិញ្ចើម ។ បងស្រីម្នាក់សូមមិនបញ្ចេញឈ្មោះ បានប្រាប់ថាៈ ការងារមន្ត្រីជាប់កិច្ចសន្យានេះ គឺជាការងារថ្នាក់កម្មករ ដែលបំរើការងារនៅអង្គភាពមណ្ឌលកុមារកំព្រា ។ គាត់បន្តថាៈ កិច្ចសន្យាការងារសរសេរដាក់លក្ខ័ណ្ឌទទួលប្រាក់ក្នុង១ខែ ស្មើរ ១៤០,០០០ ៛ ធ្វើការមួយឆ្នាំទើបបើកម្ដង ។ ដូច្នេះប្រាក់១ឆ្នាំស្មើរ ១,៦៨០,០០០ ៛ តែជាក់ស្ដែង ថ្ងៃនេះ ប្រាក់ខែ (ឆ្នាំ) ទទួលបានត្រឹមតែ ៥០ ម៉ឺនរៀលតែប៉ុណ្ណោះ គឺមិនបានចុង កន្ទុយ នៃប្រាក់គុណឃើញផង ។ ឬមួយគេមានកាស្យូ (Calculator) ពិសេសគុណទៅ ឃើញ លេខអញ្ចឹង ។ បងស្រីបន្តថាៈ ខ្ញុំសួរទៅអ្នកបើកប្រាក់ខែ គេឆ្លើយថា ថ្នាក់លើ ជាអ្នក កាត់? តែនៅពេលដែលមានសំណូរបន្តថា ថ្នាក់លើនោះត្រឹមណា? កាត់ដើម្បី ផលប្រយោជន៍ជាតិ ឬយ៉ាងម៉េច? តែគ្មានចម្លើយទៅវិញ ។
តើនេះជាអំពើពុករលួយឬជាច្បាប់? មន្ត្រីថ្នាក់ក្រោមសឹងរកអង្កច្រកឆ្នាំងគ្មាន តែអស់លោក ពិតជាមិនបានយកចក្ខុ មើលពីទុក្ខលំបាកដ៏សែនខ្លោចផ្សា របស់ពួកគេ ទេឬ? ការសប្បាយចាយប្រាក់ដែលជាញើសឈាមអ្នកដទៃនេះ អស់លោកពិតជាមានសេចក្ដីសុខ តែអស់លោកត្រូវចងចាំថាៈ ច្រេះកើតអំពីដែក នឹងរបូតចាកចេញអំពីដែក នៅពេលដែលត្រូវថ្នាំ ពោលគឺអង្គភាពបង្ក្រាបអំពើពុករលួយ ដែលស្ថិតនៅក្នុងច្បាប់ ក្រោមការដឹកនាំរបស់សម្ដេចតេជោ នឹងមិនទុកអស់លោកដែលជាច្រេះ ឲ្យស៊ីដែក ទាល់តែរលាយនោះទេ ។

នៅលើលោកយើងនេះ មនុស្សយើងពិតជាមិនទាន់យល់ពីក្ដីស្រឡាញ់ដ៏ធំធេង មួយមិនអាចគណនាបានឡើយ កាលបើពួកគេនៅលីវ មិនទាន់មានបុត្រ។ ក្ដីស្រឡាញ់នេះគឺមានលើមនុស្សគ្រប់រូបចំពោះបុត្រធីតារបស់ខ្លួន ។ អញ្ចឹងហើយទើបយើងអាចរស់រាន មានជីវិត ដែលរស់នៅប្រកបដោយក្ដីសង្ឃឹម និងសុភមង្គល នៅលើលោកនេះ ។ ចាប់តាំង ពីខ្ញុំមានកូនត្រេននេះមក ខ្ញុំមានអារម្មណ៍សប្បាយ មិនដែលចេះអផ្សុកដូចមុនឡើយ ។ ចេញពីធ្វើការដល់ផ្ទះ ឃើញមុខកូនអស់កង្វល់រលីង ។ ខ្ញុំពិតជាប្រាកដក្នុងចិត្តថាៈ នៅពេលដែលញ៉ាំរបស់អ្វីមួយដែលឆ្ងាញ់ចូលក្នុងមាត់ ខ្ញុំនឹកឃើញដល់កូនភ្លាម ទាំង ដែលអារម្មណ៍នេះខ្ញុំមិនដែលកើតមាន ចំពោះឪពុកម្ដាយខ្ញុំពីមុនមក ។ នេះ សរ បញ្ជាក់ឲ្យបានច្បាស់ថា៖ គុណរបស់ ឪពុក ម្ដាយយើង ពិតជាមិនអាចយកអ្វីមកថ្លឹង ឲ្យស្មើ ពុំបានឡើយ ។ ខ្ញុំនៅតែតក្កមាក្នុងចិត្តថា៖ នៅពេលដែលកូនឃ្លាតទៅទីណា ដែលឆ្ងាយ មួយថ្ងៃ ឬពីរថ្ងៃសោះ ហេតុអ្វី ខ្ញុំនឹកគេខ្លាំងម្លេះ? ទន្ទឹមពេលដែលយើង បែក ពីម្ដាយ ឪពុក យូៗទើបបានជួបម្ដង មិនដែលសូវនឹកគាត់សោះ ។ ខ្ញុំហ៊ានលះបង់ ទ្រព្យសម្បត្តិគ្រប់យ៉ាងដើម្បីកូន ទន្ទឹមពេលដែល ជូនប្រាក់កាក់បន្តិចបន្តួចដល់ ឪពុកម្ដាយ? ។ ពិតជាអយុត្តិធ៌មមែន? នៅពេលដែលខ្ញុំពិភាក្សារឿងនេះជាមួយ ប្អូនស្រីខ្ញុំ ។ នាងថា៖ មនុស្សលោកយើងនេះ ដល់ពេលចាស់ទៅ គឺពិតជាធ្វើឲ្យគេ នឿយណាយ មិនចាំបាច់ឃើញមុខក៏បាន ។ ខួបកំណើតកូនស្រីខ្ញុំ នៅថ្ងៃទី ១៧ ខែកុម្ភៈ ឆ្នាំ២០១១ ដែលមកដល់ពេលនេះនាងមានអាយុ ២ខួបគត់ គិតមកដល់ម៉ោង ២:៣០ នាទីថ្ងៃត្រង់ ។ នេះគឺជារូបភាពដ៏រីករាយ ដែលខ្ញុំមាននៅក្នុងឆាកជីវិត ជាឪពុករបស់គេ ។

1

ថតលើម៉ូតូមុនពិធីធ្វើខួបកំណើត

2

នំខួបកំណើតកូនខ្ញុំ ហឿន បញ្ញាយុ ១៧-០២-១១

3

កាដូ ចរិយា
4

កាដូ ហេង
5

កាដូ ស្រីកា

<6

កាដូ លីងហ្វុង
7

នៅពីក្រោយ អាពៅ

8

ថត ជាមួយម៉ាលីន

9

កា​ដូ​ពី​ប្អូន​ស្រី​រៀន​នៅ​វេស្ទើន

10

ពីឆ្វេងទៅស្ដាំ បូរមី បញ្ញាយុ កុលវឌ្ឍនៈ និង ហៃមីន

11

កាដូពីលោកនាយក ឯកច័ន្ធូ និងភរិយា ព្រមទាំងបូរមី​

12

ផ្លុំទៀន កាត់នំ

13

ដុតកាំជ្រួជ និងបាញ់ស្ពៃ្រ

14

កាត់នំ

15

អាលីនៈ អ្នកជំនាញខាងកាត់នំ?

16

ជូននំទៅឪពុកម្ដាយខ្ញុំ

17

ជូននំ ធំយ៉ាវ

18

ជូននំ បងណូ

19

ជួបជុំញ៉ាំអាហារ

20

Chher!!! លើកកែវឡើង ដាក់ដាច់ប្រកាច់ស្អាត

20-ស្ទួន

លើកកែវមក ប្អូនស្រីៗ ខ្លាចស្អី! បងស្លូតទេ!!

21

អាខុន និងចរិយា

22

អាណែត នីមល អាម៉ុំ និងអាជា

<23

ភារ៉ាន់ ថា អាចបានពីរ

24

គ្រូថែមទៀត មិនបាច់ខ្វល់ច្រើនអ្អេ!!

25

មិនដឹងរាំ ក្បាច់ស្អីខ្លះទេ ខ្លះលោតទន្រាំដូចគោហិត…?

26

DJ រយ៉េ រយ៉ៃ

27

Cell Card style

28

បងណូ ផឹកបន្តដល់ម៉ោង១២ យប់ត្រឹម
29

ខ្ញុំ ថតជាមួយកូនស្រីសំឡាញ់តែមួយ

30

កាដូ ហែកមើលពេលពិធីចប់

<31

ប៉ា កុំថតខ្ញុំអៀនណាស់

32

ភ្នែកខ្ញុំធំទេ?

33

ស្ងួតកដល់ហើយប៉ាអើយ! យប់ម៉ិញនៅដល់ម៉ោង១១យប់

ក្នុងនាមនាយកសាខា សាកលវិទ្យាល័យ ឯកទេស នៃកម្ពុជា ខេត្តកំពង់ចាម

សូមថ្លែងអំណរគុណ ជាអនេកកប្បការ ជូនចំពោះលោក លោកស្រី ដែលជា បុគ្គលិក សាស្ត្រាចារ្យ និស្សិតទាំងអស់ដែលបានចូលរួមវិភាគទាន ដ៏ថ្លៃថ្លា ក្នុងគោលបំណងបុព្វហេតុជាតិមាតុភូមិ ។ ប្រាក់វិភាគទានដែលមានចំនួនសរុប ១,៧១៨,៧០០៛ នឹងក្លាយទៅជាស្បៀងចាំបាច់បន្ថែម សម្រាប់កងទ័ពនៅសមរភូមិជួរមុខ ដែលបង្ហាញ ពីទឹកចិត្តសាមគ្គីដ៏ខ្លាំងក្លា របស់យើងទាំងអស់គ្នាដែលជាសរសរទ្រូង នៃប្រទេសជាតិ ។
ការសាមគ្គីនេះ វាតែងស្ថិតនៅក្នុងដួងព្រលឹងយើងទាំងអស់គ្នាជាខ្មែរ ហើយវានឹងនាំមកនូវសន្តិភាព និង ការអភិវឌ្ឍន៍ ជានិរន្តតទៅ ។
សូមជូនពរលោក លោកស្រី ដែលបានចូលរួមវិភាគទានទាំងអស់ ឲ្យជួបតែ សេចក្ដី សុខ សុភមង្គល មាសប្រាក់ហូរចូល សម្បូរសប្បាយ និងប្រកបទៅដោយពុទ្ធពរ ៤ ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។

តាម​ការ​សិក្សា​រៀន​សូត្រ ខ្ញុំ​បាន​អាន​សៀវ​ភៅ​ជា​ច្រើន​ទាក់​ទង​នឹង​ប្រវត្តិ​សាស្ត្រ​ខ្មែរ ដែល​លង់​លិច​តែ​នឹង​សង្រ្គាម មិន​ចេះ​ចប់​មិន​ចេះ​ហើយ​ធ្វើ​ឲ្យ​ប្រជាជន​ខ្មែរ​រង​ទុក្ខ វេទនា​ខ្លោច​ផ្សា និរាស​ព្រាត់​ប្រាស់ ទឹក​ភ្នែក​ហូរ​ក្លាយ​ជា​ស្ទឹង បណ្ដុំ​ជា​សមុទ្រ​ឈាម ។ ជា​មួយ​គ្នា​នេះ​ដែរ សង្រ្គាម​បាន​កន្លង​ផុត​ទៅ មិន​ទាន់​បាន​ប៉ុន្មាន​ឆ្នាំ​ផង ឥឡូវ​ចូល​រឿង​ថ្មីមួយ​ទៀត ដែល​កម្ពុជា​ត្រូវឆ្លងកាត់ ។ ភាពប្រទូស្តសារ៉ាយគ្នារបស់ជនជាតិថៃ បែកចែកជាក្រុមក្រហម និងក្រុមលឿង បង្កើតភាពវឹកវរ បែរជាហូរចាក់បញ្ច្រាស់ទិសដៅមកព្រំដែន ដែលមានប្រាសាទព្រះវិហារ ដែលគេទទួលដឹងលឺទូរទាំងពិភពលោក ថា តុលាការក្រុងឡាអេ បានកាត់ក្ដីដោយយុត្តិធ៌មមកឲ្យកម្ពុជា ។ ថៃបានដឹងខ្លួនឯងហើយ តែជៀសវាងសង្គ្រាមបែងចែកក្រុមផ្ទៃក្នុង ដែលកាន់តែរីកដុះដាល ឲ្យក្លាយទៅជាជាតិនិយម ចងកំហឹងមកខ្មែរថាជាអ្នកបង្កសង្គ្រាមយកទឹកដីគេទៅវិញ ។ ការផ្លោង កាំភ្លើងធំដាក់គ្នា ពីថ្ងៃទី ៤ដល់ថ្ងៃទី៦ ខែកុម្ភៈនេះ វាគឺជាការរើដំបៅ មួយដុំ ដែល គ្រូពេទ្យបានព្យាបាលរួចហើយ តែខ្ញុំមិនយល់ពីកងទ័ព អាមេរិក ដែលសហការបើក ធ្វើសមយុទ្ធយោធា ពស់វែកមាស ជាមួយចោរចិត្តតិរិត្ថេយ ដែលកំពុងប្រើកំលាំង ពាលបៀតបៀនអ្នកដទៃនោះទៅវិញ ។ សមយុទ្ធយោធា វាបានបង្កប់រួចទៅហើយថាៈ អាមេរិកមិនបានឈរជើងនៅកណ្កាល នឹងរកហេតុផលសម្រាប់សន្តិសុខ មនុស្ស នៅលើពិភពលោកនោះទេ តែអាមេរិកគិតពីផលប្រយោជន៍ទាំងទទឹងទិស ។ ដំបូង​ឡើយ​ខ្ញុំ​គិត​ថា៖ ហេតុ​ដូច​ម្ដេច​បាន​ជា​មាន​គេ​ស្អប់​អាមេរិច​ច្រើន​ម្លេះ? ជា​ពិសេស​ពួក ក្រុម​ភេវរ​ករ​? បើ​អាមេរិច​ជា​មនុស្ស​សប្បុរស ចេះ​គិត​គូរ​ពី​សិទ្ធិ​មនុស្ស? ជា​ពិ​សេស ប្រវត្តិ​សាស្ត្រ​ខ្មែរ ខ្ញុំ​តែង​តែ​គិត​ថាៈ មក​ពី​ថ្នាក់​ដឹក​នាំ​របស់​ខ្មែរ មិន​ព្រម​ដើរ​តាម​មាគ៌ា អាមេរិក​បាន​ជា​ខ្មែរ​ចេះ​តែ​ធ្លាក់​ចូល​ភ្លើង​សង្គ្រាម​ម្ដង​ហើយ​ម្ដង​ទៀត មិន​ចេះ​ចប់ មិន​ចេះ​ហើយ ។ ក្នុង​ទឹក​ដី​ខ្មែរ​មិន​មាន​ផល​ប្រយោជន៍​អ្វី​ច្រើន សំរាប់​ឲ្យ​អាមេរិក​រាប់អាន​នោះ​ទេ ។ ខ្មែរ​ត្រូវ​តែ​ងាក​ទៅ​រក​ប្លុក​កុម្មុយ​នីស្ត ដើម្បី​ភាព​រស់​រាន្ត ទោះ​បី​ជា​យើង មិន​បាន​ប្រសើរ តែ​ប្លុក​នេះ​ធ្វើ​ឲ្យ​យើង​រស់ និង​នៅ​បន្ត​ទំនាក់​ទំនង​ដោយ​ស្វ័យ​ប្រវត្តិ ទោះ​ជា​មិ​ន​ចង់ ។ សម​យុទ្ធ​យោធា​អាមេរិក-ថៃ មាន​ន័យ​ស្មើ​បញ្ចេញ​សាច់​ដុំ​លើ​សៃ​វៀន ចំ​ចរន្ត​ពេល​ឈ្លាន​ពាន​របស់​ថៃ នឹង​លើក​ទឹក​ចិត្ត​ឲ្យ​ជន​ជាតិ​នេះ​បន្ត​ភាព​កាង​របស់​ខ្លួន ដែល​មនុស្ស​ទូទៅ​ស្អប់​ខ្ពើម ។

ក្នុង​ថ្ងៃ​ទី ២៤-២៥ ខែ​មករា ឆ្នាំ​២០១១​ នេះ​មានពីរ​ករណី​ហើយ ដែល​បុរស សៅ​គ្រី បាន​គាំង​បេះដូង​ស្លាប់ ចាក​បង្គង បន្ទាប់​ត្រេក​ត្រអាល នឹង​កាមរាគ ។ មនុស្ស​លោក​ពិត​ជា​យ៉ាប់​មែន គ្មាន​កំណត់​ពេល​វេលា​ច្បាស់​លាស់​សោះ ពឺត​តែ​ពី​ប្រឹង​សង្វាត ទោះ​បី​ជា​ដឹង​ខ្លួន​ថា ឈឺ​មិន​ស្រួល​ខ្លួន អស់​កម្លាំង ក៏​នៅ​តែ​ត្រដរ​ខំប្រឹង​ រហូត​ក្សិណ​ក្ស័យ​ជីវ៉ា​បាន ។ ជា​ពិសេស​ខាង​ភាគី​បុរស​ច្រើន​ជួប​បញ្ហា​នេះ ។ យើង​មាន​ដឹង​ទេ​ថាៈ បេះ​ដូង​យើង​ប្រៀប​បាន​នឹង​ម៉ាស៊ីន ភ្លើង ដែល​បញ្ឆេះ​ទាំង​យប់​ទាំង​ថ្ងៃ ដែល​ធ្វើ​ឲ្យ​ចរន្ត​ភ្លើង គឺ​ឈាម រត់​ទៅ​ចិញ្ចឹម​រាង្គ​កាយ? ម៉ាស៊ីន​កំពុង​រអាក់​រអួល មិន​គិត​រៀប​ចំ​សម្រួល បែ​ជា​មួល ហ្គែរ ឡើង​កប់ រោទិ៍​សំលេង​ខ្លាំង​ឡើង​ៗ ​រហូត​ស្ងាត់​ជ្រាប ។
យោង​​​តាម​​កោះ​​សន្តិភាព មាន​​បុរស​​ជា​​តន្រីករ​​ម្នាក់​​បាន​​ស្លាប់ បន្ទាប់​ពី​គាត់​បាន​រួម​ដំណេក​ជា​មួយ​ប្រពន្ធ​ចុង​គាត់​រួច ។ បើ​តាម​សេច​ក្ដី​រាយ​ការណ៍ គាត់​អត់​ងងុយ​ច្រើន​យប់​មក​ហើយ ព្រោះ​គាត់​ដើរ​លេង​ភ្លេង​តាម​រោងការ ជា​បន្ត​បន្ទាប់ ។ តែ​ជា​ចុង​ក្រោយ​ក្រុម​តន្ត្រី​របស់​គាត់​បាន​ទៅ​លេង​ក្នុង​ភូមិ ប្រពន្ធ​ចុង​គាត់ ។ ចប់​ការងារ​នៅ​វេលា​យប់​ដ៏​អស់​កម្លាំង នឹង​ឈឺ​ក្បាល​ផ្ដា​សាយ​ទៀត តែ​បែ​ជា​ឆ្លៀ​តដាក់​មួយ ចាំអង្កាល់ ។ ចំណែក​ករណី​មួយ​ទៀត​នៅ​បាត់​ដំបង បុរស​អាយុ ៤៧ ឆ្នាំ លើស​ឈាម​ផង មាន​ជំងឺ​បេះ​ដូង​ផង តែ​ដើម្បី​អូន! អូន​ស្អាត! អូន​នៅ​ក្នេង សាច់​ស​ខ្ចី​ញេញ ឃើញ​ហើយ​ត្រូវ​តែ​ស្រក់​ទឹក​មាត់ ដូច​ឃើញ​សាច់​គោ​អាំង ធុំ​ក្លិន​ផ្សែង​ហុយ​ៗ ទ្រាំ​មិន​បាន​ទេ!!!! ដេក​ស្អាត នៅ​ផ្ទះ​សំណាក់​​ពន្លឺពេជ្រ បន្ទប់​លេខ ១០៧០ ។ តួ​ខាង​ស្រី​រត់​ចោល​ម៉ូតូ​ឆាលី ទុក​ជា​សាក្សី ខ្មះ​គេ​ម៉ា​នគរ​លោក​អើយ ។

កាសែតកោះសន្តិភាព

តាម​ពិត​ទៅ​ការ​ដើរ​លេង​លើក​​នេះ គឺ​តាំង​ពី​ថ្ងៃ​ចូល​ឆ្នាំ​សាកល​ម្លេះ គឺ​កំពង់​សោម តែ​គ្មាន​ពេល​ដើម្បី អាប់ដេត ក៏​ចេះ​តែ​ទុក​ទៅ ។ ថ្ងៃ​ចូល​ឆ្នាំ​សាកល នៅ​កំពង់​សោម​ មនុស្ស​ច្រើន គួរ​ឲ្យ​ធុញ ងាក​ទៅ​ផ្ទះ​សំណាក់ សណ្ឋាគារ​ថ្លៃ​កប់​ពពក ងាក​ទៅ​កន្លែង​អង្គុញ​កំសាន (តូបលេខ៧៩) ជួល​បីតុ ថ្លៃជិត១០០ ដុល្លា ។ តែ​ណ្ហើយ​ចុះ​បំណាច់​នឹង​មក​កំសាន្ត​ហើយ អស់​ប៉ុន្មាន​ក៏អស់​ទៅ ឃើញ​សិស្ស​សប្បាយ ខ្ញុំ​រីក​រាយ​តាម​នឹង​ដែរ ។ មើល​ចុះ​ពួក​គេ​សប្បាយ​ខ្លាំង​ណាស់ ។ និយាយ​ពី​កន្លែង​ដែល​ទៅ​វិញ​ គឺមាន​តែ​កន្លែង​ទឹក​សមុទ្រ និង​ក្បាល​ឆាយ តែ​ប៉ុណ្ណោះ ប៉ុន្តែ​ញុំា​អាហារ​នៅ​ក្បាល​ឆាយ រូមែនទិក មែន​ទែន ។ មិន​មែន​ជា​លើក​ទី​មួយ​ទេ​សម្រាប់​ខ្ញុំ ប៉ុន្តែ​ដោយ​សារ​តែ​មាន​វត្តមាន​​មនុស្សខ្ញុំ​ចូល​ចិត្ត​​ទេដឹង បានជាអញ្ចឹង ។

ថតរួម មិនទាន់អស់គ្នាទេ ព្រោះ ៨៥នាក់

សំរាកមាត់សមុទ្រ

ដាក់មួយទៅគ្រូកុំខ្វល់ច្រើន

អឹប Mmmmmmmm ដូចជាស្រឿងៗម៉េចមិនដឹង ម៉ោជិះឡានអត់កៅអីអង្គុយផង ផឹកឲ្យណាណីម៉ង

ដូរសំលៀកបំពាក់ងូតទឹកសិន មកដល់ហើយកុំឲ្យខាត

ពីរនាក់ហ្នឹងសង្ស័យ Guy ហ្វើយ